Šajhu patłumačyŭ zapavoleńnie nastupu Rasii va Ukrainie evakuacyjaj mirnych žycharoŭ
Nastup uzbrojenych sił Rasii padčas «śpiecapieracyi» va Ukrainie zapavolvajecca śviadoma, kab dać evakujavacca mirnym žycharam. Pra heta zajaviŭ ministr abarony Rasii Siarhiej Šajhu, paviedamlaje «Kommiersant».
«Dla vychadu žycharoŭ z akružanych nasielenych punktaŭ abviaščajucca režymy cišyni i stvarajucca humanitarnyja kalidory. Biezumoŭna, heta zapavolvaje tempy nastupu, ale robicca heta śviadoma, kab paźbiehnuć achviar siarod mirnaha nasielnictva», — rastłumačyŭ spadar Šajhu na siońniašnim pasiadžeńni Savieta ministraŭ abarony ADKB.
Pavodle jaho źviestak, rasijskaja armija nie nanosić udary pa hramadzianskaj infrastruktury i paražaje vajennyja abjekty vyklučna «vysokadakładnaj zbrojaj».
Jon adznačyŭ, što, niahledziačy na pieryjadyčnaje zapavoleńnie dynamiki bajavych dziejańniaŭ, Rasija budzie praciahvać praviadzieńnie vajennaj apieracyi «da poŭnaha vykanańnia ŭsich zadač».
Raniej ab zapavoleńni tempaŭ rasijskaj vajskovaj apieracyi va Ukrainie zajaŭlaŭ Alaksandr Łukašenka. 5 maja ŭ intervju ahienctvu AP jon raspavioŭ, što, na jaho dumku, «hetaja apieracyja zaciahnułasia». U sakaviku dyrektar Rashvardyi Viktar Zołataŭ, kamientujučy kanflikt va Ukrainie, paviedamiŭ, što «nie ŭsio idzie tak chutka, jak chaciełasia b».
