Rasijskija vojski pačali šturm horada Liman u Danieckaj vobłaści
Ukrainski kanał «Trucha» paviedamlaje, što im udałosia zaniać niekalki vulic horada Limana, jaki znachodzicca na darozie da Słavianska i ŭ tyle Sievieradaniecka. U svaju čarhu, rasijski kanał «Rybaŕ» paviedamlaje, što rasijskija čaści vyjšli da Załatoha na poŭdzień ad Lisičanska.
Vybuchi nad Limanam. Skrynšot ź videa
Pavolny nastup rasijan na Danbasie praciahvajecca, jany pa-raniejšamu majuć tam vialikuju pieravahu ŭ pavietry i ŭ artyleryi. Ale hety nastup našmat marudniejšy, čym Maskva płanavała. Ukraincy ŭparta trymajuć kožny mały ci bolšy horad.
Liman — apošni horad na šlachu da Słavianska z paŭnočnaha ŭschodu. U svaju čarhu, Słaviansk — važny vuzieł kamunikacyj na podstupach da Kramatorska, administratyŭnaha centra Danieckaj vobłaści.
Šturm Słavianska, Kramatorska i hary Karačun budzie dla rasijan nie lahčejšy za abłohu Maryupala.
Spadarožnikavy zdymak daje ŭjaŭleńnie pra maštabnaść bajavych sutyknieńniaŭ na terytoryi horada Limana. Čyrvonaje — miescy pažaraŭ.
