Fany pieramahli ŭ vuličnaj bojcy, hulcy — na poli! Niamiecki «Frankfurt» razam ź nievierahodnymi zaŭziatarami zavajavaŭ zołata futbolnaj Lihi Jeŭropy
Druhi hod zapar pieramožca finalnaj sustrečy Lihi Jeŭropy vyznačyŭsia ŭ sieryi pienalci. U minułym siezonie «Mančester Junajted» z «Viljareałam» spynilisia tolki pry liku 11:10 na karyść ispancaŭ. Sioleta ž niamieckamu «Ajntrachtu» chapiła naboru abaviazkovych udaraŭ, kab skaryć šatłandski «Rejndžars» 5:4.
Sustreča ŭ finale Lihi Jeŭropy-2021/22 stała treciaj u historyi aficyjnych uzajemaadnosin «Rejndžars» dy «Ajntrachta». Fota: Uefa.com
Jašče da pačatku sustrečy «Ajntracht» atrymaŭ dźvie bujnyja pieramohi — chaj sabie i nie źviazanyja niepasredna sa spartyŭnymi vynikami. Spačatku honar kłuba abaranili «ultras», što prybyli ŭ Sievilju vializnym hurtam dy dałučylisia da 50-tysiačnaj płyni niamieckich zaŭziataraŭ u šeści na arenu.
Padčas ruchu ahulnaj kałony ŭ kirunku stadyjona jaje siaredzinu dy chvost atakavali šatłandskija «chulihany». Zaduma miarzotnaja sama pa sabie vyhladała jašče bolš ahidnaj z-za taho, što pa tradycyi marš zamykajuć najbolš mirnyja dy biezabaronnyja zaŭziatary.
Adnak prychilniki «Ajntrachta» imhnienna «pračytali» taktyku supiernika — i ŭ litaralnym sensie adbili svaich.
Nadalej ža niemcy ź vidavočnaj pieravahaj vyjšli tryŭmfatarami ŭ konkursie pierfomansaŭ. Dla ŭłasnaha «Jeŭrabačańnia» aktyŭ «Ajntrachta» vydatkavaŭ ažno 50 tysiač jeŭra — i pačaŭ rychtavać šoŭ niepasredna na trybunach ažno za paŭhadziny da startavaha śvistka.
Kali ž Stary Śviet pabačyŭ vynik, stała zrazumieła, što čas dy hrošy nie pajšli marna. Mastacki šedeŭr šyrynioj va ŭvieś viraž uraziŭ nie tolki haściej «Ramon Sančas Pischuan», ale navat tych 50 tysiač ludziej, što pryjšli zaŭzieć za lubimych futbalistaŭ doma. I bačyli pierfomans vyklučna na vialikim ekranie ŭ centry pola rodnaha frankfurtskaha stadyjona.
U niepasrednaj ža sprečcy za zołata «arły» nie mahli zrušyć raŭnavahu u svoj bok ni padčas asnoŭnych 90 chvilin, ni ŭ dadatkovyja paŭhadziny. Bolš za toje, praz tuzin chvilin paśla pierapynku niemcy prapuścili, nie dahledzieŭšy Aryba — toj staŭ pieršym nihieryjcam, jaki adznačyŭsia ŭ vyrašalnych matčach Lihi Jeŭropy.
Pieramožca Lihi Jeŭropy-2021/22 nie vyśvietliŭsia navat za 120 chvilin hulniavoha času. Fota: Uefa.com
Adnak tak prosta zdacca «Ajntracht» nie mieŭ prava.
Zvyčajna z Frankfurta ŭ Sievilju štodzionna vypraŭlajucca čatyry rejsy. Napiaredadni finała ŭ Andałusii z Hiermanii pryziamliłasia ažno 32 samaloty. I mienavita emacyjnaja padtrymka fanaŭ natchniła padnačalenych Oliviera Hłaśniera na miač u adkaz.
Rafael Bore, jaki vyznačaŭsia ŭ troch papiarednich jeŭrapiejskich matčach kamandy zapar, i hetym razam pryjšoŭ na paratunak. Śledam za «Barsiełonaj» dy «Vest Chemam» jon zasmuciŭ «Rejndžars» — i zabiŭ, badaj, samy važny hoł u karjery. Bo hetaje patraplańnie ŭ bramu padaravała «Ajntrachtu» ničyju, a ź joju i aviertajm.
@DeuBaPark
–––––
⏰ 77. | #SGEuropa | #SGERFC 1:1 pic.twitter.com/tUCc32YNHZ
Ciaham dadatkovych 30 chvilin areoł hieroja zapalvaŭ nad svajoj patylicaj užo Kievin Trap. Bramnik «Ajntrachta» vyciahnuŭ składaniejšy ŭdar Kienta, a taksama niekalki razoŭ nie dazvalaŭ połymiu paniki raspaŭsiudzicca pa štrafnoj płoščy dy źniščyć abarončyja pabudovy kamandy.
Fany «Ajntrachta» ustanovili mirovoj riekord po količiestvu sinchronno pryhajuŝich ludiej v biełom pic.twitter.com/Qd98bZOXO8
Za košt nadziejnaści kipiera Frankfurt damohsia sieryi pienalci, dzie ŭsio toj ža Trap kančatkova zamacavaŭ za saboj status hałoŭnaj zorki viečara. Aran Remzi, jaki źjaviŭsia na poli na 117-j chvilinie śpiecyjalna pad pienalci, patrapiŭ pad hipnoz vopytnaha kipiera dy schibiŭ. Tady jak usie astatnija hulcy — z abodvuch bakoŭ — ułasnyja padychody vykarystali biezdakorna.
— Eintracht Frankfurt (@Eintracht) May 18, 2022
Jak vynik, «Ajntracht» uziaŭ druhi ŭ historyi trafiej paśla Kubka UEFA — 1980. Adnak hetaja ŭznaharoda značna ciažejšaja. I nie tolki tamu, što była zdabytaja ŭ sieryi pienalci. Pry vazie ŭ 15 kh Kubak-2022 źjaŭlajecca samym «abjomnym» siarod astatnich kantynientalnych pryzoŭ. Cikava, što Frankfurt zavajavaŭ jaho biez anivodnaj parazy pa siezonie, jak rabili raniej tolki «Čełsi» Maŭrycyja Sary dy «Viljareał» Unai Emiery.
