FIBA zabaraniła zbornym Biełarusi i Rasii ŭdzielničać va ŭsich svaich turnirach
Mižnarodnaja fiederacyja baskietboła (FIBA) vyklučyła zbornyja Biełarusi i Rasii z usich svaich turniraŭ. Pra heta paviedamlajecca ŭ pres-relizie, apublikavanym 18 maja na sajcie arhanizacyi.
Pa rašeńni vykankama IBU, aficyjnyja baskietbolnyja turniry pad ehidaj arhanizacyi nie buduć pravodzicca ŭ Rasii ci Biełarusi. Nacyjanalnyja zbornyja dźviuch krain nie pavinny brać udzieł u adboračnych matčach mužčynskaha čempijanatu śvietu 2023 hoda, u čempijanacie śvietu siarod žančyn va ŭzroście da 17 hadoŭ, jaki projdzie ŭ 2022 hodzie, čempijanacie śvietu siarod žančyn u 2022 hodzie, paviedamlaje Zerkalo.io.
Akramia taho, rasijskija i biełaruskija kłuby, a taksama rasijskija i biełaruskija hulcy nie zmohuć zarehistravacca na čempijanat śvietu pa baskietbole ŭ farmacie 3×3, a taksama na turniry FIBA 3×3 Challengers, FIBA 3×3 Women's Series.