Teleprapahandysty rychtujuć rasijan da pryznańnia pravału «śpiecapieracyi»?
Naziralniki zaŭvažyli, što ŭ rasijskija palityčnyja tok-šoŭ pačali zaprašać haściej, jakija nastrojenyja realistyčna i navat piesimistyčna z nahody «śpiecapieracyi», jakaja zamiest «małankavaha marš-kidka na Kijeŭ» zaciahnułasia na try miesiacy i joj nie vidać kanca.
Suprać Rasii nastrojeny ŭvieś śviet, Rasija znachodzicca ŭ poŭnaj hieapalityčnaj adzinocie — pra hety vidavočny fakt nie pabajaŭsia skazać u fiederalnym teleefiry vajenny ahladalnik łajalnaj Kramlu «Haziety.ru» pałkoŭnik Michaił Chadaronak. Ź jahonych słoŭ, Rasii varta pierastać razmachvać jadziernaj bombaj pierad nosam u Finlandyi.
Na miažy niervovaha zryvu i hości ŭ šoŭ Sałaŭjova, jakija kryčać, što Pucina drenna infarmujuć, a ŭ rasijskaj armii treba ŭvodzić «kamisaraŭ».
Bajazdolnaść i matyvavanaść ukrainskich vajskoŭcaŭ i dobraachvotnikaŭ, darečy, taksama pierastali padviarhać sumnievu. Hetyja fakty stali nastolki vidavočnyja, što ich vymušanyja akuratna pryznavać navat chłuślivyja rasijskija telekanały.
