Paleadyjeta: ci sapraŭdy karysnaja adna z samych papularnych dyjetaŭ sučasnaści
Jeści byccam piačorny čałaviek. Ci karysna heta? Voś mierkavańnie dyjetołaha.
Što takoje paleadyjeta?
Paleadyjeta, abo dyjeta kamiennaha vieku, hruntujecca na hipotezie pra toje, što straŭnik čałavieka nie mianiaŭsia bolš za 9 tysiač hadoŭ.
Nie tak daŭno jana była najbolš papularnaj dyjetaj u Google, pavodle źviestak navukoŭcaŭ.
Asnovu dyjety składajuć pradukty biez štučnych uzmacnialnikaŭ smaku i jakija nie prajšli hłybokaj pierapracoŭki. Skažam, miasa, a nie kiłbasa, harodnina, a nie kansiervy. Takim čynam, u racyjon uvachodziać:
- miasa,
- ryba,
- jajki,
- śpiecyi,
- arechi, siemki i inšaje nasieńnie,
- sadavina,
- hryby,
- harodnina.
Taksama nieabmiežavana možna ŭžyvać vadu. Čas ad času — kubačak kavy ci harbaty. Dazvoleny navat ałkahol: da dvuch bakałaŭ vina, 350 mł piva abo 100 hramaŭ mocnaha ałkaholu.
Paleadyjeta nie abmiažoŭvaje kolkaść stravaŭ, pamier porcyjaŭ ci kolkaść ježy.
Pry hetym zabaroniena ŭžyvać małočnyja pradukty, sałodkaje, babovyja, alej i ježu sa štučnymi dadatkami.
Zvyčajna ŭvachod u dyjetu składajecca z troch etapaŭ. Na kožnym ź ich my skaračajem kolkaść pryjomaŭ ježy, padčas jakich dazvalajem sabie ŭsie pradukty pa-za patrabavańniami dyjety. Pieršyja čatyry tydni — da troch na tydzień, jašče praz čatyry — da dvuch, a jašče praz čatyry — da adnaho.
Ci karysnaja takaja dyjeta?
Niahledziačy na papularnaść, taki sposab charčavańnia prydatny daloka nie dla ŭsich, — raskazała partału Onet kliničny dyjetołah Raksana Šroda.
Asnoŭny niedachop dyjety ŭ tym, što ŭ racyjonie bolš za ŭsio tłuščoŭ — 30—35%. Dalej iduć 20—35% białkoŭ i tolki kala 25% vuhlavodaŭ. Hetaha niedastatkova dla žyŭleńnia mozha i myšcaŭ.
Paleadyjeta sabrała šmat niehatyŭnych vodhukaŭ. Takija dyjety časta pryciahvajuć ludziej, jakija miarkujuć, što čym mienš ty jasi, tym chutčej skinieš vahu. Ale paśla skančeńnia dyjety, ludzi zvyčajna znoŭku nabirajuć vahu, bo pačynajuć pierajadać tych praduktaŭ, jakija byli zabaronienyja.
Taksama, kaža Šroda, taki deficyt vuhlavodaŭ moža vyklikać prablemy sa zvarotam cukru — až da cukrovaha dyjabietu. Vysokaje ŭtrymańnie nasyčanych tłuščaŭ u miasie padvyšaje ryzyku sardečna-sasudzistych zachvorvańniaŭ. Taksama jana moža vyklikać insulinarezistentnaść, asabliva ŭ ludziej, jakija razhladajuć dyjetu jak sposab skinuć lišniuju vahu, a paśla viarnucca da staroha charčavańnia paśla dyjety.
— Kab raźviejać mify, źviazanyja z «dyjetaj kamiennaha čałavieka»: jana možna być dobrym rašeńniem dla ludziej z užo isnujučymi parušeńniami abmienu cukru. Ale tady heta musić być pastajannym šlacham charčavańnia, a nie rašeńniem tolki na miesiac, — raskazała dyjetołah.
