Rasija i Biełaruś buduć pazbaŭlenyja prava tranślavać Alimpijskija hulni — 2026 i 2028 hadoŭ. BT užo hatovaje da piractva
Zimovyja Alimpijskija Hulni 2026 hoda, jakija majuć prajści ŭ italjanskich Miłanie i Karcina-d'Ampieca, i Letnija Alimpijskija hulni 2028 hoda, jakija projduć u amierykanskim Łos-Andželesie, u Rasii i Biełarusi nie pakažuć.
Abiedźvie krainy nie dapuścili da tendara na nabyćcio pravoŭ dla tranślacyi Alimpijskich hulniaŭ, što vynikaje z zajavy, apublikavanaj na sajcie Mižnarodnaha alimpijskaha kamiteta. Zajaŭki na tendar prymalisia da 24 krasavika.
Da hetych spartyŭnych forumaŭ jašče vielmi daloka, ale Biełaruskaje telebačańnie ŭžo nastrojenaje hruba parušać mižnarodnyja praviły. Heta možna zrazumieć z pierapostu ŭ aficyjnym telehram-kanale ATN chamskaha dopisu praŭładnaha kanała «Žiołtyje ślivy»:
«Prosta tyja teletranślacyi, za jakija raniej davodziłasia płacić sotni tysiač i miljony jeŭradalaraŭ, ciapier buduć zabirać biaspłatna i tranślavać na RB. A što jany zrobiać tamu ž BT? Vyklučać ź JEVS? Dyk užo vyklučyli…»
