Kiraŭniki MZS «vialikaj siamiorki» paabiacali dapamahać Ukrainie «stolki, kolki budzie nieabchodna»
14 maja kiraŭniki MZS krain «vialikaj siamiorki» na sustrečy ŭ niamieckim Vanhielsie pryniali pastanovu ab uzmacnieńni palityčnaj izalacyi Rasiei i nadańni dapamohi Ukrainie ŭ vyhladzie pastavak zbroi, piša CNBC.
Paviedamlajecca, što vajskovaja dapamoha Ukrainie budzie akazvacca «stolki, kolki heta budzie nieabchodna». Akramia taho, kiraŭniki ministry zamiežnych spraŭ najbolš ekanamična raźvitych krain śvietu zaklikali Kitaj nie akazvać dapamohu Rasii i nie apraŭdvać raspačatuju joj vajnu.
U sumiesnaj zajavie krain havorycca, što klučom da ŭzmacnieńnia cisku na Rasiju źjaŭlajecca paetapnaja admova ad rasijskaj nafty. Čakajecca, što na nastupnym tydni krainy — členy ES pryjduć da parazumieńnia pa hetym pytańni, navat kali suprać jaho pa-raniejšamu budzie vystupać Vienhryja.
«My paskorym našy namahańni pa skaračeńni i spynieńni zaležnaści ad pastavak enierhanośbitaŭ z Rasii i jak maha chutčej, abapirajučysia na abaviazacielstvy G7 pa paetapnym admovie abo zabaronie impartu rasijskaha vuhalu i nafty», — cytujecca ich zajava.
Pa vynikach sustrečy taksama było vyrašana ŭvieści dadatkovyja sankcyi ŭ dačynieńni da rasijskaj elity, šerahu ekanamičnych subjektaŭ, centralnych uradavych ustanoŭ i Uzbrojenych siłaŭ. Akramia taho, krainy «vialikaj siamiorki» majuć namier pracavać nad likvidacyjaj prablemy hłabalnaha niedachopu charčavańnia, vyklikanaha vajnoj.
Zakranutaja była ŭ zajavie kiraŭnikoŭ MZS krain «vialikaj siamiorki» i prablema Biełarusi:
«My čarhovym razam patrabujem, kab Rasija pakłała kaniec raspačataj joj biez pryčyny vajnie, čałaviečym achviaram i trahičnym pakutam, jakija jana praciahvaje pryčyniać.
My taksama praciahvajem zaklikać Biełaruś vykonvać svaje mižnarodnyja abaviazalnictvy i spynić davać Rasii mahčymaść ździajśniać ahresiju [sa svajoj terytoryi]».
«My aburanyja faktami represij u Rasii i Biełarusi ŭ dačynieńni da niezaležnych ŚMI, hramadzianskaj supolnaści, apazicyi i hramadzian, jakija mirna vykazvajuć svaju niezadavolenaść vajnoj RF suprać Ukrainy, — adznačyli taksama ministry. — Rasijanie i biełarusy zasłuhoŭvajuć lepšaha: u ich pavinna być mahčymaść u poŭnaj miery karystacca asnoŭnymi pravami čałavieka, najpierš pravam vyrašać svoj los i los svaich krain».
Była vykazanaja i zaniepakojenaść u suviazi sa sprobami Rasii destabilizavać situacyju ŭ Prydniastroŭi. Taksama ministry zajavili, što nikoli nie pryznajuć miežy, jakija Rasija sprabuje źmianić šlacham vajennaj ahresii.
