AAN prahałasavała za rasśledavańnie złačynstvaŭ rasijskich vajskoŭcaŭ va Ukrainie
Rada pravoŭ čałavieka AAN pieravažnaj bolšaściu hałasoŭ padtrymała rezalucyju ab pačatku rasśledavańnia mierkavanych vajennych złačynstvaŭ rasijskich vojskaŭ va Ukrainie, paviedamlaje Bi-bi-si. Havorka idzie pra złačynstvy, ździejśnienyja ŭ pačatku vajny.
Vystupajučy pa videasuviazi z Kijeva, namieśnica ministra zamiežnych spraŭ Ukrainy Emine Džaparava skazała, što narod jaje krainy pieražyŭ «dziesiać tydniaŭ poŭnaha žachu». Viarchoŭny kamisar AAN pa pravach čałavieka Mišel Bačelet zajaviła, što za apošnija tydni ŭ rajonach na poŭnač ad Kijeva było znojdziena kala tysiačy ciełaŭ; častku hetych ludziej, miarkujučy pa charaktary ranieńniaŭ, pakarali śmierciu.
Za rasśledavańnie prahałasavali 33 krainy-ŭdzielnicy Rady, 12 ustrymalisia. Adzinymi krainami, što prahałasavali suprać uniesienaj Ukrainaj rezalucyi, byli Kitaj i Erytreja.
Sama Rasija ŭ Radzie pravoŭ čałavieka AAN nie pradstaŭlenaja, bo 7 krasavika Hienieralnaja asambleja AAN prypyniła jaje ŭdzieł.
