«Biełaruś — influensier pratesnaj dziejnaści ŭ RF». Śpiecsłužby zdymali razmovy rasijskich palitołahaŭ z brytanskim dypłamatam schavanaj kamieraj
Prakramloŭski telehram-kanał apublikavaŭ zapisy razmoŭ rasijskich palitołahaŭ z brytanskim dypłamatam, zroblenyja schavanaj kamieraj u maskoŭskim restaranie. Śpiecsłužby pisali razmovy na videa i aŭdyja.
Apublikavanyja zapisy z Kaciarynaj Šulman, Hlebam Paŭłoŭskim i Valeryjem Sałaŭjom.
Z razmoŭ možna daviedacca cikavyja fakty pra rasijski isteblišmient.
Naprykład, Hleb Paŭłoŭski, palitołah i publicyst, kaža, što ŭ Kramli farmujecca niejki «ansambl», i «Pucin nie moža hetamu pieraškadžać». Paŭłoŭski pradkazvaje kryzis, jaki budzie «davoli chutka».
«Pratesny dośvied Biełarusi pranikaje siudy. Biełaruś — influensier pratesnaj dziejnaści ŭ RF», — kaža Valeryj Sałaviej.
«Pucin unikaje vyrašeńnia prablem, — havoryć Paŭłoŭski. — Farmalna heta tłumačycca pandemijaj, ale jon naohuł nikoli nie lubiŭ šmat pracavać».
Pavodle źlivu, Kadyraŭ taksama byŭ abjektam cikavaści brytanskich dypłamataŭ. «Kadyraŭ rychtujecca da sychodu Pucina, i ŭvieś čas pakazvaje, što jaho nielha adsunuć ubok», — miarkuje Paŭłoŭski. Pavodle jaho, Kadyraŭ niepapularny «ŭsiudy, ale ŭ siłavych strukturach» asabliva. Pucin baicca viartańnia čačenskaha padpolla, i Kadyraŭ zrabiŭ heta formaj prybytku.
Sałaviej kaža, što Šajhu byŭ favarytam Pucina, ale bolš takim nie źjaŭlajecca. U kaalicyi «hramadzianskich» favaryt — Mišuścin.
Paŭłoŭski miarkuje, što paśla Pucina budzie niejkaje kalektyŭnaje kiraŭnictva.
