Prajšła inaŭhuracyja Emanuela Makrona
U Jelisiejskim pałacy 7 maja prajšła druhaja i dla Emanuela Makrona apošniaja cyrymonija ŭstupleńnia na pasadu kiraŭnika Francuzskaj Respubliki. Makron staŭ pieršym za 20 hadoŭ pieraabranym prezidentam Francyi.
Usie fota: AP
Cyrymoniju, jakaja tradycyjna nie adroźnivajecca pampieznaściu, jašče bolš skaracili z-za vajny. Na joj prysutničała kala 500 čałaviek.
U svajoj inaŭhuracyjnaj pramovie Makron uzhadaŭ Ukrainu, zajaviŭšy, što Francyja pavinna dziejničać tak, kab paźbiehnuć eskałacyi kanfliktu. Akramia taho, jon paabiacaŭ «dapamahčy demakratyi i mužnaści pieramahčy».
«Tam, dzie mnohija narody vybrali adkat, dzieści paddaŭšysia nacyjanalistyčnaj spakusie, nastalhii pa minułym, sirenam ideałohij, bierahi jakich, jak my dumali, my pakinuli ŭ minułym stahodździ, francuzski narod zrabiŭ vybar na karyść jasnaha i vyraznaha prajekta na budučyniu. Respublikanskaha i Jeŭrapiejskaha prajekta», ‒ skazaŭ Makron.
Paśla druhoj inaŭhuracyi Makron pajedzie spačatku 9 maja ŭ Strasburh, dzie voźmie ŭdzieł u Kanfierencyi ab budučyni kantynienta i vystupić pierad Jeŭraparłamientam, a zatym ‒ u Bierlin, na viačeru z Ołafam Šolcam.
Heta taksama tradycyja ‒ pieršaja zamiežnaja sustreča francuzskaha prezidenta prachodzić z kancleram FRH jak važny znak mirnaha jadnańnia paślavajennaj Jeŭropy.
Na vybarach u krasaviku Makron pieramoh vybary ŭ kandydatki ad nacyjanalistaŭ Maryn Lo Pen. Makron staŭ pieršym za 20 hadoŭ pieraabranym prezidentam Francyi.
