Kiraŭniki «DNR» i «ŁNR» pryznačyli ambasadaraŭ u Rasiju
Kiraŭniki samaabvieščanych Danieckaj narodnaj respubliki Dzianis Pušylin i Łuhanskaj narodnaj respubliki Leanid Pasiečnik padpisali ŭkazy ab naznačeńni pasłoŭ u Rasijskaj Fiederacyi.
Ambasadaram pryznačanaja deputat Narodnaj rady «DNR» Volha Makiejeva, ad «ŁNR» — Radyjon Mirošnik.
Rasija pryznała «DNR» i «ŁNR», jakija častkova kantralujuć Danieckuju i Łuhanskuju vobłaści Ukrainy, niezaležnymi dziaržavami 22 lutaha. Praz dva dni rasijskija vojski ŭvarvalisia va Ukrainu, u tym liku pad vyhladam «abarony» žycharoŭ Danbasa.
Paŭdniovaja Asiecija i Abchazija, jakija Rasija ličyć niezaležnymi dziaržavami, taksama majuć svaje pasolstvy ŭ Maskvie, paviedamlaje «Mieduza». Mižnarodnaja supolnaść ličyć padkantrolnyja Rasii terytoryi častkaj Hruzii. Ich nie pryznała i Biełaruś.
