Brytanskaja raźviedka: Raptoŭnyja biełaruskija vučeńni «adpaviadajuć siezonnaj normie»
Tradycyjnaja ranišniaja spravazdača brytanskich śpiecsłužbaŭ była pryśviečanaja siońnia raptoŭnaj praviercy bojehatoŭnaści Uzbrojenych sił Biełarusi, abvieščanaj učora. Brytancy sapraŭdy nazirajuć, što biełaruskija suchaputnyja vojski vychodziać z harnizonaŭ u pole, ale tryvohu z hetaj nahody bić nie schilnyja.
Fota: Ministerstva abarony Biełarusi
Pavodle brytanskaj raźviedki, usio «heta adpaviadaje siezonnaj normie, bo kulminacyja zimovaha cykła vučeńniaŭ u Biełarusi nadychodzić u mai».
Praŭda, pišuć brytanskija raźviedčyki, vysokaja vierahodnaść, što Rasija pasprabuje razdźmuć pahrozu, jakaja stvarajecca dla Ukrainy hetymi vučeńniami, kab skavać ukrainskija siły na poŭnačy i pieraškodzić ich pierakidvańniu dla ŭdziełu ŭ bitvie za Danbas.
U toj ža čas «adchileńniaŭ ad zvyčajnaj dla vučeńniaŭ aktyŭnaści, zdolnych pradstaŭlać pahrozu dla sajuźnikaŭ i partnioraŭ, ciapier nie čakajecca», padkreślivajuć brytancy.