Na kirmašy ŭ Zimbabve zaŭvažyli biznesmiena Zinhmana
Biełaruski praŭładny biźniesmen Alaksandr Zinhman prysutničaŭ na Mižnarodnaj handlovaj kirmašy ŭ Zimbabve, jakaja prajšła ŭ horadzie Bułovoja ŭ kancy krasavika. Jahonaje fota razam z prezidentam Zimbabve Emiersanam Mhanhahvaj nadrukavała miascovaje vydańnie The Herald, piša reform.by.
Alaksandr Zinhman druhi źleva
Pavodle infarmacyi BiełTA, na vystavie pradstaŭniki BiełAZ i kampanija Sohra OVERSEAS FZE, aficyjny dyler u rehijonie, praviali pieramovy z kiraŭnictvam Nacyjanalnaj ałmazazdabyŭčaj kampanii Zimbabve ZCDC, jakaja ŭžo vykarystoŭvaje niekatoryja biełaruskija samazvały, a taksama z vuhalnaj kampanijaj HWANGE Colliery i inšymi kampanijami, jakija viaduć zdabyču padziemnym sposabam. Ź jakoj mienavita metaj na mierapryjemstvie prysutničaŭ Alaksandr Zinhman — nieviadoma. U paviedamleńni BiełTA pra jaho prysutnaść u składzie biełaruskaj delehacyi ničoha nie skazana.
Raniej žurnalisty Litoŭskaha centra Siena, OCCRP i hrupy biełaruskich žurnalistaŭ z prajekta «Davajcie raźbiracca» paviedamlali ab tym, što Alaksandr Zinhman razam ź Siarhiejem Šejmanam, synam Viktara Šejmana, byli bienieficyjarami biznesu pa zdabyčy zołata ŭ Zimbabve. Žurnalisty abapiralisia na dakumienty z Pandora Papers. Siarod inšaha, byŭ znojdzieny akt rehistracyi jurydyčnaj asoby Midlands Goldfields Foundation na Siejšelskich vyspach u śniežni 2017 hoda. Jaho bienieficyjarami źjaŭlalisia Siarhiej Šejman i Alaksandr Zinhman.
Hod tamu Zinhman zatrymlivaŭsia ŭładami Demakratyčnaj Respubliki Konha. Jaho abvinavačvali ŭ handli zbrojaj, ale ŭ vyniku tak i adpuścili, nie vystaviŭšy abvinavačvańnia.
Čytajcie taksama:
Samy maštabny źliŭ dakumientaŭ «Pandora papers»: što heta, što tam pra Biełaruś, pry čym tut Šejman i jaho syn
Alaksandr Zinhman vyjšaŭ z kanhalezskaj turmy i ŭžo ŭ Zimbabve
ŚMI: U aeraporcie DR Konha zatrymany biznesoviec, blizki da Šejmana
