Zialenski: My nie pojdziem na zamarozku kanfliktu
Prezident Ukrainy Uładzimir Zialenski pierakanany, što pieramovy, režym spynieńnia ahniu mahčymyja tolki tady, kali rasijskija viarchi ŭłady buduć zacikaŭleny ŭ dasiahnieńni dypłamatyčnych damoŭlenaściej. Pra heta jon raspavioŭ padčas intervju dla amierykanskaha vydańnia Wall Street Journal, piša «Ukrainskaja praŭda».
«Kali my havorym pra spynieńnie ahniu, to my pavinny bačyć žadańnie dasiahnuć spynieńnia ahniu z boku Rasijskaj Fiederacyi», ‒ skazaŭ Zialenski.
Pavodle jaho, niahledziačy na damoŭlenaści ab spynieńni ahniu ŭ Maryupali, rasijskija vojski ŭsio roŭna ździajśniajuć abstreły, bambardziroŭki.
Spynieńnie ahniu, skazaŭ Zialenski, stanie mahčymym tady, kali budzie dyjałoh i razmova lidaraŭ dźviuch krain.
«Kali ŭ nas budzie sustreča z prezidentam Pucinym, tady budzie režym spynieńnia ahniu. Tady my ź im mahčyma damovimsia asabista, što my pavinny brać asabista abaviazki pa spynieńni ahniu, pažadana publičnyja. Tady my zmožam vieryć u heta. Ale režym spynieńnia ahniu nie značyć, što rasijskija vojski zastanucca tam, dzie jany zaraz stajać ‒ i tam budzie taki zamarožany kanflikt. My nie pojdziem na zamarozku…», ‒ skazaŭ jon.
Zialenski raspavioŭ pra pracu pierahavorščykaŭ nakont budučych damovach pamiž krainami. «Mahu skazać ščyra: ja ŭ takija damoŭlenaści nie vielmi vieru. Liču, što važna havaryć, ale pakul asabista prezident RF nie pastavić svoj podpis ci nie skaža štości asabista, ja nie baču kaštoŭnaści ŭ takich damoŭlenaściach», ‒ skazaŭ Zialenski.
Taksama prezident Ukrainy raspavioŭ, što nie pahodzicca z tym, što rasijskija vojski buduć znachodzicca na terytoryi Ukrainy. Sama mieniej, damoŭlenaści pavinny być pa advodzie vojskaŭ na tyja pazicyi, jakija isnavali pa stanie na 23 lutaha 2022 hoda i viarnuć Krym.
Taksama jon skazaŭ, što Rasija pavinna vypłacić Ukrainie reparacyi.
