Aŭstryja nie budzie pryznačać novaha ambasadara ŭ Biełaruś
Viena płanuje źnizić uzrovień dypłamatyčnaha pradstaŭnictva da časovaha pavieranaha, paviedamiŭ kiraŭnik Narodnaha antykryzisnaha ŭpraŭleńnia Pavieł Łatuška.
Budynak Ministerstva zamiežnych spraŭ Aŭstryi ŭ Vienie. Fota: flickr.com
Łatuška padčas kansultacyj z hienieralnym sakratarom MZS Aŭstryi Pieteram Łaŭnski-Cifientalem abmierkavaŭ kryzisnuju situacyju ŭ rehijonie i zachady dla pryciahnieńnia režymu Łukašenki da adkaznaści za represii ŭ dačynieńni da biełarusaŭ i saŭdzieł u vajnie suprać Ukrainy.
Aŭstryjski čynoŭnik zapeŭniŭ Łatušku, što Aŭstryja ŭsprymaje režym Łukašenki jak sajuźnika Rasii padčas ahresii va Ukrainie i pryncypova nie maje ź im nijakich kantaktaŭ. Panižeńnie ŭzroŭniu pradstaŭnictva ŭkładajecca ŭ hetuju tendencyju.
Ambasadarka Aŭstryi Ałaiza Vierhieter užo pakinuła Biełaruś: u jaje skončyłasia dypłamatyčnaja misija. U adroźnieńnie ad ambasadara, časovy pavierany nie musić uručać davierčyja hramaty Łukašenku.
