Iłan Mask nabyŭ Twitter
Najbahaciejšy čałaviek śvietu Iłan Mask zaklučyŭ pahadnieńnie ab pakupcy Twitter Inc (TWTR.N) za 44 miljarda dalaraŭ.
Zaklučanaje pahadnieńnie, jak piša Reuters, «pieradaść kantrol nad płatformaj sacyjalnych miedyja, nasielenaj miljonami karystalnikaŭ i suśvietnymi lidarami, samomu bahatamu čałavieku śvietu».
Sam Mask, kamientujučy novy nabytak, skazaŭ tak:
«Svaboda słova — heta asnova funkcyjanujučaj demakratyi, a Twitter — heta ličbavaja haradskaja płošča, dzie abmiarkoŭvajucca pytańni, žyćciova važnyja dla budučyni čałaviectva. Ja taksama chaču zrabić Twitter lepšym, čym kali-niebudź, palepšyŭšy pradukt novymi funkcyjami, zrabiŭšy ałharytmy z adkrytym zychodnym kodam, kab pavysić davier, pieramahčy spam-botaŭ i aŭtentyfikavać usich ludziej. Twitter vałodaje vielizarnym patencyjałam — ja ź nieciarplivaściu čakaju sumiesnaj pracy z kampanijaj i supolnaściu karystalnikaŭ, kab raskryć jaho».
