Krasoŭki za 50 dalaraŭ: što nosić Zialenski padčas vajny
Niekatoryja ekśpierty adznačajuć adzin važny momant — kiraŭnik ukrainskaj dziaržavy nie nosić formu Uzbrojenych sił Ukrainy, takim čynam jon daje sihnał hramadzianam, što nie prysvojvaje sabie słavu vajskoŭcaŭ.
Adzieńnie koleru chaki. Fota: Ofis prezidenta
Dziełavyja kaściumy i kašuli Zialenski źmianiŭ na futbołki, kofty i zručnyja štany ŭ styli military. Prezident Ukrainy navat svaim stylem adzieńnia pakazvaje jadnańnie z ukrainskim narodam padčas poŭnamaštabnaj vajny RF suprać Ukrainy, piša UNIAN.
Jašče padčas svaich pieršych zvarotaŭ da ŭkraincaŭ paśla pačatku ŭvarvańnia Zialenski źjaviŭsia ŭ futbołcy koleru chaki. I z hetaha momantu adzieńnie ŭ styli military — mast cheŭ prezidenta.
U toj ža čas niekatoryja ekśpierty adznačajuć adzin važny momant — kiraŭnik Ukrainy nie nosić formu USU, takim čynam jon daje sihnał hramadzianam, što nie prysvojvaje sabie słavu vajskoŭcaŭ.
Zialenskaha zaŭvažali ŭ futbołkach brendaŭ 5.11, Hallyard, 281.z, ich košt u siarednim 400-600 hryŭniaŭ (12-19 dalaraŭ).
Akramia taho, prezident Ukrainy nosić flisavyja kofty koleru chaki ŭkrainskaha brenda M-Tas i štany ŭ styli military.
Fota: Ofis prezidenta
Što tyčycca abutku kiraŭnika ŭkrainskaj dziaržavy, to jon taksama niedarahi. Tak, karystalniki sieciva źviarnuli ŭvahu na toje, što jon pryjechaŭ u Buču ŭ krasoŭkach Saucony za 50 dalaraŭ.
