Łukašenka zajaviŭ, što nad terytoryjaj Biełarusi źbili rakietu «Točka-U», ale nie skazaŭ, chto jaje zapuściŭ
Łukašenka siońnia, vystupajučy pierad adkaznymi rabotnikami KDB, zajaviŭ, što nad Biełaruśsiu źbili rakietu «Točka-U».
«Śviedčańniem tamu [što Biełaruś buduć uciahvać u vajnu va Ukrainie] źjaŭlajecca litaralna dva dni tamu nazad nočču pusk čarhovy na terytoryju našaj Biełarusi — udar pa našaj terytoryi — rakietaj «Točka-U», jakuju my paśpiachova z rasijanami pierachapili i źniščyli nad Prypiaćciu. Dzieści tam kala rečki valajecca. < … > Heta nie fejk — toje, što ja vam kažu. Prosta my pra heta nie kazali. Nam treba było razabracca, što tam adbyvajecca».
Varta adznačyć, što Łukašenka nie skazaŭ, chto nibyta zapuściŭ rakietu pa terytoryi Biełarusi. Ale rasijskija ŚMI adrazu pačali paviedamlać, što heta była ŭkrainskaja rakieta.
Łukašenka čarhovy raz zajaviŭ, što biełaruskija vajskoŭcy i zbroja nie ŭdzielničajuć u vajnie va Ukrainie.
