Pralacieŭ kala 40 km. Pa BT pakazali siužet pra nibyta ŭkrainski špijon-bieśpiłotnik
Pa viersii biełaruskaha boku, bieśpiłotnik uźlacieŭ z Kovielskaha rajona Vałynskaj vobłaści Ukrainy pobač ź Biełaruśsiu. Jaho metaj było zrabić fotazdymki vajskovaha palihona «Brescki», dzie rasijska-biełaruskija vojski rychtujucca da vučeńniaŭ.
Fataaparat, jakim zdymaŭ bieśpiłotnik. Skryn videa
BPŁA, jak vynikaje ź siužeta, zrabiŭ 228 fotazdymkaŭ ‒ zdymaŭ kožnyja 15 siekund.
Ukrainski bok admaŭlaje, što heta ich bieśpiłotnik. Pad pytańniem, što za madel i chto vytvorca BPŁA. Pa BT raspaviali, što heta nie sieryjny Spectator, a niejki pratatyp. Čamu dla «špijonskaha» zadańnia była abranaja takaja madel, surazmoŭcy BT nie tłumačać. Jak i toje, čamu pra bieśpiłotnik biełaruski bok 10 dzion maŭčaŭ.
Na ŭkrainskim pradpryjemstvie «Mierydyjan», jakoje vyrablaje bieśpiłotniki Spectator, žurnalistam «Biełsata» paviedamili, što pakazanych u siužecie BPŁA pradpryjemstva nikoli nie vypuskała.
Čytajcie taksama:
Pasoł Ukrainy žurnalistcy BT: «Ciažka nazvać karespandentam vas. Viedajecie: vy prapahandystka, mnie zdajecca, nie bolš za toje»
«Čarhovaja pravakacyja ŭładaŭ Biełarusi». MZS Ukrainy adkazała na pretenzii biełaruskaha boku
Pasoł Ukrainy byŭ vyklikany ŭ Ministerstva zamiežnych spraŭ Biełarusi
