Krainy Jeŭrasajuza šukajuć alternatyŭnyja šlachi pastavak hazu, kab pazbavić kozyra Rasiju
Brusiel aścierahajecca, što Rasija, jakaja pastaŭlaje 40% paliva ŭ Jeŭropu, moža skaracić abjomy prapampoŭki ŭ adkaz na sankcyi, jakija mahli b być uviedzienyja ŭ vypadku ŭvarvańnia Rasii ŭ Ukrainu. Alternatyva bačycca ŭ Azierbajdžanie, piša hazieta Financial Times.
Fota: panama555 / depositphotos.com
Jak paviedamlaje vydańnie, ZŠA ŭžo pierahavaryli z Kataram i inšymi bujnymi eksparciorami hazu ab dadatkovych pastaŭkach zvadkavanaha pryrodnaha hazu. Brusiel, u svaju čarhu, viadzie pieramovy adnosna svop-ździełak pa zvadkavanym hazie ź niekatorymi azijackimi krainami.
Pa źviestkach haziety, jeŭrakamisar pa enierhietycy Kadry Simsan u pačatku lutaha adpravicca ŭ Azierbajdžan dla pieramoŭ ź ministram enierhietyki i ministram ekałohii i pryrodnych resursaŭ hetaj krainy, kab damovicca ab dadatkovych hazavych pastaŭkach u ES. A 7 lutaha Simsan prybudzie ŭ Vašynhton na enierhietyčny saviet ZŠA — ES.
Azierbajdžan hatovy pampavać Jeŭropie haz dadatkova ŭ ekstrannym vypadku, kali napružanaść u adnosinach Rasii z Ukrainaj parušyć pastaŭki. Pra heta zajaviŭ pasoł Azierbajdžana ŭ Vialikabrytanii Elin Sulejmanaŭ, paviedamlaje Bloomberg.
Čytajcie taksama:
WSJ: Zachad viedaje słabyja miescy Rasii i zdolny ŭdaryć vielmi baluča
Napružanaść pamiž Hiermanijaj i ZŠA i «hieapalityčnaja zbroja». Za što krytykujuć trubapravod «Paŭnočny patok — 2»?
Uznaŭlalnyja krynicy enierhii ŭ 2020-m stali hałoŭnaj krynicaj elektryčnaści ŭ ES
