Vydatki na vojska ŭ Biełarusi — usiaho pa 89 dalaraŭ z čałavieka. A ŭ Estonii — pa 529
Mižnarodny dyskusijny kłub «Vałdaj» naprykancy minułaha hoda praanalizavaŭ źviestki ab vajskovych vydatkach i kolkaści vojskaŭ u krainach byłoha SSSR i pradstaviŭ ich u vyhladzie infahrafiki, piša belmarket.by.
Pa infarmacyi składalnikaŭ infahrafiki, samym vialikim vajennym patencyjałam vałodaje, naturalna, Rasija. Kolkaść vajskoŭcaŭ u krainie składaje 3 568 tys. čałaviek. Dalej iduć Ukraina (1 211 tys. čałaviek) i Azierbajdžan (472 tys. čałaviek).
Biełaruś z 15 dziaržaŭ byłoha SSSR zajmaje čaćviortaje miesca. Kolkaść vajskoŭcaŭ u krainie składaje 445 tys. čałaviek. A mienš za ŭsio vajskoŭcaŭ u Tadžykistanie — usiaho 16 tys. čałaviek.
Pa sumie vajennych vydatkaŭ znoŭ napieradzie ŭsich Rasija. Na abaronu jana vydatkoŭvaje 61 713 młn dalaraŭ. A voś pa vajennych vydatkach na dušu nasielnictva lidziruje Estonija — suma na adnaho čałavieka składaje 529 dalaraŭ.
U Biełarusi, pa infarmacyi kłuba «Vałdaj», na «abaronku» raschodujecca 845 młn dalaraŭ. Vajennyja ž vydatki na dušu nasielnictva składajuć usiaho 89 dalaraŭ.
