Siońnia ŭ Katedralnym kaściole Minska buduć malicca za mir va Ukrainie
26 studzienia ŭ minskim katedralnym kaściole Najśviaciejšaha Imia Maryi adbudziecca imša za mir. Jaje ŭznačalić Apostalski nuncyj u Biełarusi, arcybiskup Ante Jozič.
Ante Jozič, fota catholic.by
Malitva za mir u hałoŭnaj śviatyni Minska-Mahiloŭskaj archidyjacezii adbudziecca ŭ adkaz na inicyjatyvu Papy Franciška, jaki paśla niadzielnaj malitvy Anioł Panski vykazaŭ zaniepakojenaść situacyjaj vakoł Ukrainy i abviaściŭ śpiecyjalny Dzień malitvy za mir.
«Z tryvohaj naziraju za ŭzrastańniem napružanaści, jakaja pahražaje nanieści novy ŭdar pa miry va Ukrainie i stavić pad pytańnie biaśpieku na ŭsim jeŭrapiejskim kantyniencie ź jašče bolš šyrokimi nastupstvami» — adznačałasia ŭ zvarocie pantyfika.
Jaho pradstaŭnik u našaj krainie śledam za pantyfikam zaachvočvaje viernikaŭ Kaścioła ŭ Biełarusi i ŭsich ludziej dobraj voli «ŭznosić malitvy da Boha, kab kožnaja palityčnaja inicyjatyva słužyła ahulnačałaviečamu braterstvu bolš, čym adnabakovaj vyhadzie».
Pačatak u 18.30.
