Kryścijan Eryksen, jaki pieranios spynieńnie serca na Jeŭra-2020, vierniecca ŭ futboł — jon padpiša kantrakt z «Brentfardam»
Dacki paŭabaronca Kryścijan Eryksen u najbližejšy čas stanie hulcom anhlijskaha futbolnaha kłuba «Brentfard». Jamu nieabchodna prajści miedycynskaje abśledavańnie, jakoje budzie vielmi padrabiaznym z-za pieraniesienaha spynieńnia serca, piša Eurosport.
Fota Getty Images
Futbalist pavinien padpisać kantrakt z anhlijskim kłubam na praciahu 72 hadzin paśla miedycynskaha abśledavańnia. Pa słovach Eryksena, za miesiac jon zmoža nabrać dastatkovuju formu, kab vystupać u anhlijskaj Premjer-lizie.
«Serca nie źjaŭlajecca dla mianie pieraškodaj. Admietna, što kłub anhlijskaj premjer-lihi — najlepšaje miesca dla padrychtoŭki i vydatny šaniec pakazać siabie i zaniać miesca ŭ zbornaj [Danii].
Kali miedyki ratavali Eryksena na poli, hulcy i piersanał zasłanili saboj futbalista.
12 červienia padčas matču čempijanatu Jeŭropy suprać Finlandyi Eryksen pavaliŭsia na hazon i nie zmoh padniacca. U futbalista adbyłosia spynieńnie serca. Praz šeść dzion Eryksena vypisali z balnicy.
Hulcu zbornaj Danii pryjšłosia pakinuć italjanski kłub «Inter» z-za praviłaŭ, jakija zabaraniajuć hulać ź impłantavanym u serca kardyjavierter-defibrylataram.
Chto taki Kryścijan Eryksen, jaki straciŭ prytomnaść na Jeŭra?
«Ja ŭ paradku». Kryścijan Eryksen, jaki pieranios spynieńnie serca na Jeŭra-2020, apublikavaŭ sełfi z balnicy
Futbalistu Eryksenu pastaviać kardyjostymulatar
Historyja Kryścijana Eryksana: što moža vyklikać raptoŭnaje spynieńnie serca?
