U ZŠA čatyroch biełaruskich aficyjnych asob abvinavacili ŭ avijapiractvie
U sud u Ńju-Jorku było padadziena abvinavaŭčaje zaklučeńnie suprać hiendyrektara «Biełaeranavihacyi» Leanida Čuro, jaho namieśnika Aleha Kaziučyca i dvuch nievyznačanych supracoŭnikaŭ KDB. Jany abvinavačvajucca ŭ zmovie z metaj ździajśnieńnia avijapiractva. Majecca na ŭvazie pasadka samalota Ryanair u Minsku 23 maja 2021 hoda, paśla jakoj zatrymali Ramana Pratasieviča i Safiju Sapieha.
Paviedamlajecca, što na borcie byli 4 hramadzianina ZŠA.
U zaklučeńni śćviardžajecca, što abvinavačanyja ździejśnili zahadzia raspracavanuju insceniroŭku pahrozy vybuchu, praź jakuju pasadzili samalot dla zatrymańnia Pratasieviča.
Śćviardžajecca, što Čuro asabista pieradaŭ infarmacyju ab falšyvaj pahrozie vybuchu supracoŭnikam minskaha centra kiravańnia pavietranym rucham jašče da vyletu samalota i zahadaŭ im nakiravać rejs u Minsk. Rol Kaziučyca, pavodle zaklučeńnia, była ŭ falsifikacyi spravazdač ab incydentach, kab schavać sfabrykavanuju pahrozu vybuchu i ŭdzieł u apieracyi biełaruskich śpiecsłužbaŭ. Niavyznačanyja supracoŭniki KDB udzielničali ŭ pieradačy falšyvaj pahrozy vybuchu dyśpietčaram i kiravali radyjopieramovami ź piłotami.
Čytajcie taksama:
Stali viadomyja padrabiaznaści spravazdačy ICAO ab pasadcy samalota Ryanair u Minsku
Piłotam nie dali častaty dla suviazi ź Vilniaj. Źjavilisia novyja fakty pra pasadku «Rajanejra» z Pratasievičam
Ekśpiert ab spravazdačy ISAO pa samalocie: Nie vyklučaju, što asobnyja sankcyi buduć asłablenyja
New York Times: Avijadyśpietčar źbieh ź Biełarusi ŭ Polšču i raskazaŭ pra pasadku Ryanair
Na kanale ANT vyjšaŭ 15-chvilinny siužet «Tajamnicy rejsa Afiny — Vilnia». Ci raskryvajucca tam jakija tajamnicy?
Polskija śpiecsłužby: Samalot z Pratasievičam dapamahaŭ sadžać aficer KDB. A što kazali biełarusy?
