Pieralik tavaraŭ dla lhotnaha spažyvieckaha kredytavańnia
Urad Biełarusi zaćvierdziŭ pieralik tavaraŭ, dla nabyćcia jakich małazabiaśpiečanym hramadzianam pradastaŭlajucca lhotnyja kredyty.
Adpaviednaje rašeńnie źmiaščajecca ŭ pastanovie Savieta Ministraŭ numar 1010, paviedamili karespandentu BIEŁTA u Aparacie Saŭmina. Dakumient pryniaty ŭ metach realizacyi ŭkaza numar 371 «Ab ilhotnym spažyvieckim kredytavańni» ad 6 lipienia 2009 hoda.
Pieralik tavaraŭ, pry kupli jakich małazabiaśpiečanyja hramadzianie zmohuć karystacca lhotnymi kredytami, uklučaje šyroki asartymient pradukcyi ajčynnaj vytvorčaści. U pryvatnaści, heta bytavaja technika: televizary, DVD‑prajhravalniki vytvorčaści AAT «Haryzont» i RUVP «Viciaź», pyłasosy i mikrachvalevyja piečy («Haryzont», STAA «Midea‑Haryzont», «Viciaź»), manitory (NVA «Intehrał» i «Haryzont»), chaładzilniki i marazilniki (ZAT «Atłant»), elektra‑ i hazavyja plity (adkrytyja akcyjaniernyja tavarystvy SP «Bresthazaaparat», «Brescki radyjotechničny zavod «, «Elektraaparatura» (Homiel), RUP «Homielski radyjozavod imia 60‑hodździa SSSR»).
Pa lhotnym kredycie možna nabyć taksama pralnyja mašyny (ZAT «Atłant», AAT «Minski zavod «Termapłast», RUP «Homielski stankabudaŭničy zavod imia S.M.Kirava»), kuchonnyja mašyny (adkrytyja akcyjaniernyja tavarystvy «Minski zavod «Termapłast», «Minski pryborabudaŭničy zavod», «Handalmaš» (h.Baranavičy), «Ekran» (h.Barysaŭ).
U pieralik uklučany taksama aciaplalnyja katły i elektravodanahravalniki biełaruskaj vytvorčaści.
Ilhotnaje kredytavańnie praduhledžana i pry realizacyi dyvanoŭ i dyvanovych vyrabaŭ, jakija vypuskajucca adkrytymi akcyjaniernymi tavarystvami «Viciebskija dyvany» i «Dyvany Bresta», a taksama mebli ajčynnaj vytvorčaści, drevaapracoŭčych stankoŭ.
Akramia taho, małazabiaśpiečanyja hramadzianie zmohuć karystacca lhotnymi kredytami pry kupli techniki: mini‑traktaroŭ vytvorčaści Babrujskaha zavoda traktarnych detalej i ahrehataŭ i Smarhonskaha ahrehatnaha zavoda, mapiedaŭ i matacykłaŭ (AAT «Motavieła»), motabłokaŭ (RUP «Smarhonski ahrehatny zavod»), pryčepaŭ (TAA «Zavod aŭtamabilnych pryčepaŭ i kuzavaŭ «Maz‑Kupava», AAT «Babrujskahramaš», AAT «Babrujsksielmaš», AAT «Śpiecaŭtatechnika» (h.Babrujsk), RUP «Smarhonski ahrehatny zavod», RUVP «Biełaruski aŭtamabilny zavod»).
U adpaviednaści z ukazam numar 371 «Ab ilhotnym spažyvieckim kredytavańni» małazabiaśpiečanym hramadzianam u Biełarusi ŭ 2009‑2010 hadach buduć pradastaŭlacca kredyty terminam da troch hadoŭ z vypłataj 10 pracentaŭ hadavych na spažyvieckija patreby dla nabyćcia niecharčovych hrup tavaraŭ praciahłaha vykarystańnia. Funkcyi pa vydačy takich kredytaŭ uskładajucca na Biełarusbank, Biełahraprambank, Bielinviestbank i Biełprambudbank.
Prava na atrymańnie lhotnych spažyvieckich kredytaŭ buduć mieć hramadzianie, u jakich siaredniamiesiačny sukupny dachod na kožnaha člena siamji, vyličany za try miesiacy, jakija papiaredničali miesiacu zaklučeńnia kredytnaha dahavora, nie pierasiahaje trochrazovaha siaredniamiesiačnaha siaredniedušavoha minimalnaha spažyvieckaha biudžetu siamji z čatyroch čałaviek (ciapier Br1163,8 tys.).
