U Biełarusi i Minsku kvatery pradajuć i kuplajuć jak nikoli raniej za 10 hadoŭ
U Biełarusi dahavoraŭ na kuplu-prodaž kvater zaklučana ŭ 2021 hodzie bolš na 21%, čym u 2020-m, u Minsku — na 29%, piša pro-n.by.
Fota: alexraths / depositphotos.com
U Biełarusi ŭ 2021 hodzie zaklučana 48796 dahavoraŭ kupli-prodažu kvater. Heta na 21% bolš, čym u 2020 hodzie (40258) i źjaŭlajecca najlepšym pakazčykam apošnich 10 hadoŭ.
Prytym zachoŭvajecca i dynamika: kali ŭ pieršym paŭhodździ 2021 hoda było nabyta 22323 kvater, to ŭ druhim paŭhodździ — na 18% bolš (26473).
U Minsku, pa dadzienych Nacyjanalnaha kadastravaha ahienctva, za studzień-śniežań 2021 h. było zaklučana 16617 dahavoraŭ kupli-prodažu kvater. Heta na 29% bolš, čym za anałahičny pieryjad minułaha hoda, taksama najvyšejšy pakazčyk apošnich 10 hadoŭ.
Kolkaść kvater u Miensku, vystaŭlenych na prodaž u pačatku 2022 hoda, znachodzicca na maksimalnym uzroŭni. Pa dadzienych ryełtaraŭ, u Minsku rekłamujecca kala 8000 kvater na prodaž, što na 20% bolš, čym u papiarednija hady.
Adnak varta ŭličvać, što kala pałovy hetych kvater — hatovyja novabudoŭli ŭ žyłym kompleksie «Minsk-Śviet», a kolkaść kvater druhasnaha rynku zastałasia raniejšaj.
