Mierkiel prapanavali vysokuju mižnarodnuju pasadu
Hienieralny sakratar AAN Antoniu Huteryš prapanavaŭ eks-kancleru Niamieččyny, 67-hadovaj Anhiele Mierkiel zaniać kansultatyŭnuju pasadu ŭ adnoj sa struktur AAN.
Fota: Getty Images
Pa danych ahienctva DPA, havorka idzie ab pazicyi staršyni kansultatyŭnaj rady pa hłabalnych hramadskich dabrotach, jakija mahli b pasłužyć na karyść usiaho čałaviectva. Siarod kampietencyj hetaha orhana — pytańni mižnarodnaha rehulavańnia, u pryvatnaści, u halinie handlu abo biaśpieki palotaŭ.
Kansultatyŭny orhan pa hłabalnych hramadskich dabrotach — adzin z fłahmanskich prajektaŭ hiensieka AAN Antoniu Huteryša, jaki jon prasoŭvaje ŭ ramkach refarmavańnia AAN.
Anhieła Mierkiel pakul nie adkazała na list hienieralnaha sakratara AAN. Surazmoŭcy DPA ŭ AAN ličać zhodu Mierkiel zaniać prapanavanuju pasadu małavierahodnaj.
