Pavieł Biełavus za kratami napisaŭ kranalny vierš pra siamju i Novy hod
Zasnavalnik kramy Symbal.by i kulturny mieniedžar Pavieł Biełavus u liście na volu napisaŭ, što doŭhi čas nie atrymlivaŭ listoŭ.
Na «Vaładarcy» jon pačaŭ pisać vieršy, u tym liku i dziacičyja, i padzialiŭsia adnym.
Jon apisaŭ historyju, «jak jaho dačka Sonia admoviłasia biez taty viešać na jalinku zorku, bo tolki tata daciahniecca, bo vysoki». Vierš datavany 1 studzienia 2022:
Cudy
Chutka-chutka Novy hod —
Dzień usim znajomy.
Siońnia ŭ sad ja nie pajdu,
Zastanusia doma.
Ja źbiaru svaju siamju
— mamu, tatu, brata.
Upryhožym my jalinku
U čakańni śviata.
Ja chaču kab na jalincy
Zichacieła zorka!
Zaprašu da spravy tatu,
Kab uźniaŭ vysoka.
Mamie ščyra ja skažu:
Nočču spać nie budu!
Bo čaroŭnaj hetaj nočču
Ja čakaju cudaŭ!
#vieršybiełavusa»
Zasnavalnika Symbal.by Paŭła Biełavusa zatrymali 15 listapada i spačatku jamu davali administracyjnyja sutki. 24 śniežnia stała viadoma što na jaho zaviedzienaja kryminalnaja sprava (pa č. 1 art. 342 — hrupavyja dziejańni, jakija hruba parušajuć hramadski paradak»), jon zastajecca za kratami.
Padtrymajcie Paŭła: SIZA-1, 220030, h. Minsk, vuł. Vaładarskaha, 2.
