Druhi enierhabłok BiełAES moža zapracavać u lutym-sakaviku
Druhi enierhabłok Biełaruskaj AES płanujecca zapuścić u kancy lutaha — pačatku sakavika, paviedamiła TASS sa spasyłkaj na hiendyrektara «Rasatama» Alaksieja Lichačova.
«Kalehi čakajuć dazvołu na vychad na minimalny kantralavany ŭzrovień. Dzieści ŭ kancy lutaha — pačatku sakavika budzie enierhapusk, vychad na 250-300 MVt i padklučeńnie da sietki», — skazaŭ Lichačoŭ.
Licenziju na zapusk druhoha enierhabłoka BiełAES atrymała 22 śniežnia, pieršy enierhabłok byŭ uračysta puščany ŭ listapadzie 2020 hoda.
Taksama ŭ śniežni było ŭźniataje pytańnie ab budaŭnictvie jašče adnoj AES, ale ŭ inšym rehijonie Biełarusi.
Premjer krainy Raman Hałoŭčanka zajaŭlaŭ, što z dapamohaj dvuch enierhabłokaŭ BiełAES kraina zmoža zamiaščać kala 4,5 młrd kubamietraŭ hazu ŭ hod. Ciapier AES vyrablaje 25% ad ahulnaj kolkaści elektraenierhii ŭ krainie.