Biełarusbank zrabiŭ novaŭviadzieńni pa ŭkładach
Biełarusbank z 7 studzienia zrabiŭ novaŭviadzieńnie pa bankaŭskich układach. Ciapier bank nie pierahladaje pracentnuju staŭku pa depazicie, kali ź jaho zdymuć hrošy praz aŭtamatyzavanuju sistemu vykanańnia hrašovych abaviazacielstvaŭ (AIS VDA).
Majecca na ŭvazie pra śpisańnie štrafaŭ i inšych zapazyčanaściaŭ praz prymusovaje vykanańnie. Nahadajem, z-za takoha aŭtamatyčnaha źniaćcia hrošaj ź biezadzyŭnych układaŭ klijentam bankaŭ panižajuć pracentnyja staŭki «da zapatrabavańnia». Banki ličyli, što klijenty parušyli ŭmovy pa ŭkładzie i źniali hrošy raniej za termin.
U kantakt-centry Biełarusbanka ŭdakładnili, što paśla śpisańnia hrošaj praz AIS VDA ź biezadzyŭnaha ŭkładu bank nie budzie ciapier źnižać pracentnuju staŭku. Paśla takoha źniaćcia srodkaŭ na sumu, jakaja zastałasia na depazicie, buduć naličvać takija ž pracenty, jak i da hetaha.
U banku tłumačać, što novaŭviadzieńnie dziejničaje nie tolki na novyja depazity, ale i na tyja, jakija byli adkrytyja da 7 studzienia.
U Biełarusbanku ŭdakładnili, što ŭviali hetuju źmienu na ŭzroŭni svajho banka.
U Nacbanku raniej tłumačyli, što ŭ śpisańni hrošaj praz AIS VDA ź biezadzyŭnych układaŭ niama parušeńnia. Ale zdymać ź ich srodki pavinny ŭ treciuju čarhu, paśla śpisańnia ź biahučych bankaŭskich rachunkam u biełaruskich rublach, potym — u valucie. Čaćviortaja čarha — za elektronnymi kašalkami.
