Pamior staršynia Jeŭraparłamienta David Sasoli
Siońnia nočču pamior staršynia Jeŭraparłamienta David Sasoli. Jamu było 65 hadoŭ.
corrriere.it
Sasoli pamior z-za surjoznych prablem ź imunnaj sistemaj. Adbyłosia heta ŭ italjanskim horadzie Avijana, dzie Sasoli byŭ špitalizavany jašče 26 śniežnia, paviedamlaje Corriere dela Serra.
The @EP_President David Sassoli passed away at 1.15 am on 11 January at the CRO in Aviano( PN), Italy, where he was hospitalized. The date and place of the funeral will be communicated in the next few hours.
«Data i miesca pachavańnia buduć abvieščanyja ŭ nastupnyja niekalki hadzin» — udakładniŭ jaho pres-sakratar.
U śniežni Sasoli abviaściŭ, što nie budzie znoŭ vystaŭlać svaju kandydaturu na vybarach kiraŭnika Jeŭraparłamienta. Da hetaha, u vieraśni 2021-ha, jaho špitalizavali z zapaleńniem lohkich u Strasburhu (jano nie było vyklikana COVID-19).
Sasoli pačynaŭ karjeru jak žurnalist ź nievialičkich haziet i ahiencyj, zatym pracavaŭ u rymskaj redakcyi štodzionnaha vydańnia Il Giorno, siem hadoŭ śpiecyjalizujučysia na palityčnaj chronicy, zatym pracavaŭ na telebačańni. U 2006-2009 hadach byŭ vice-dyrektaram telekanała TG1.
U 2009 hodzie abrany ŭ Jeŭrapiejski parłamient pa śpisie Demakratyčnaj partyi, z taho času pačałasia jaho palityčnaja karjera. Jeŭraparłamient uznačalvaŭ ź lipienia 2019 hoda.