Piensijnaja sistema Isłandyi sutyknułasia ź biesprecedentnymi prablemami: niama kudy padzieć hrošy
Piensijnaja sistema Isłandyi, niadaŭna pryznanaja najlepšaj u śviecie, sutyknułasia z prablemami praź vialikuju kolkaść hrošaj. U joj nazapasiłasia stolki srodkaŭ, što ich niama kudy ŭkładvać, piša VVS.
Piensijnaja sistema ŭ Isłandyi maje abjom resursaŭ, prykładna roŭny 200% VUP krainy, heta značyć pryblizna 50 miljardaŭ dalaraŭ ZŠA.
Ciapier urad na čale z pradstaŭnicaj «Leva-zialonaha ruchu» Katryn Jakabsdocir razhladaje ideju dazvolić kampanijam, jakija kirujuć piensijnymi fondami isłandcaŭ, rabić bolš inviestycyj za miažoj. Pavodle dziejučych normaŭ, takija inviestycyi piensijnych fondaŭ za miažu nie pavinny pieravyšać 50%.
«Sistema stała zanadta vialikaj. Viadoma, my nie možam abmiažoŭvać usie inviestycyjnyja mahčymaści ŭnutranym rynkam», — zajaviŭ ministr finansaŭ Bjarni Bieniedyktsan, pradstaŭnik kansiervatyŭnaj Partyi niezaležnaści, kaalicyjnaha partniora «leva-zialonych».
