Na trasie Minsk — Hrodna lehkavik razrezała aharodžaj. Kiroŭca cudam zastaŭsia žyvy
Surjoznaja aŭtamabilnaja avaryja adbyłasia dniom 1 studzienia na aŭtadarozie Minsk — Hrodna pablizu vioski Bali Ščučynskaha rajona. Spatrebiłasia dapamoha ratavalnikaŭ, paviedamlaje MNS.
Aŭtamabil Toyota Avensis urezaŭsia ŭ mietaličnuju raździalalnuju aharodžu na trasie. U vyniku sutyknieńnia paciarpieŭ kiroŭca. Jon vyžyŭ, ale byŭ zabłakavany ŭ sałonie. Kiroŭca byŭ prytomny i rastłumačyŭ ratavalnikam, što ŭ jaho zacisnutyja nohi.
Dla vyzvaleńnia mužčyny ŭžyvalisia hidraŭličnaja stancyja i pnieŭmatyčnyja razžym-kusački. Ratavalniki demantavali zadniaje siadzieńnie aŭtamabila, kab dabracca da miechanizmu kresła kiroŭcy i adsunuć jaho. Zatym adahnuli dźviery kiroŭcy, akuratna pierakłali paciarpiełaha na nasiłki i pieradali jaho miedykam dla špitalizacyi.
