Zmahańnie i nadzieja. Najlepšyja fota «Našaj Nivy» ŭ 2021 hodzie
Jakim byŭ hod u abjektyvie fotakarespandentaŭ «NN».
Tradycyja, narodžanaja ŭ 2020 hodzie, praciahnuła svajo žyćcio i ŭ 2021-m. Studzieński dvarovy marš u adnym z rajonaŭ Minska.
U lutym pačaŭsia sud nad žurnalistkami «Biełsata» Kaciarynaj Andrejeievaj i Darjaj Čulcovaj. Za strym z Płoščy Pieramien dziaŭčaty atrymali pa dva hady kałonii.
U lutym u carkvu «Novaje žyćcio» pryjšli sudovyja prystavy ź siłavikami i zrezali zamki. Vierniki byli vymušanyja pakinuć budynak.
Paśla hetaha vierniki źbiralisia na malitvu prosta kala budynka carkvy.
Atmaśfiery śviatkavańnia Maślenicy ŭ Minsku.
Na Dzień Voli nieba nad Minskam azaryli dziasiatki fiejervierkaŭ.
Viasnoj prajšoŭ sud nad viadomym śpievakom Cimam Biełaruskich, jakoha ŭ studzieni zatrymali z narkotykami.
Biełaruskich u vyniku atrymaŭ dva hady chatniaj chimii.
11 maja ŭ Budsłaŭskim kaściole adbyŭsia pažar. U adnoj z najbolš značnych śviatyniaŭ Biełarusi zhareŭ dach.
Biełarusy i biznes pieravodzili hrošy na adnaŭleńnie chrama i na Novy hod tam adnaŭlajucca nabaženstvy.
19 maja na volu vyjšła Kaciaryna Barysievič. Žurnalistku «Tutbaja» asudzili na 6 miesiacaŭ turmy za materyjał pra toje, što ŭ noč zabojstva Raman Bandarenka byŭ ćviarozy.
Za dva dni da jaje vyzvaleńnia siłaviki razhramili redakcyju partała, u jakim pracavała žurnalistka.
21 maja ŭ škłoŭskaj kałonii pamior pry niezrazumiełych abstavinach palitviazień Vitold Ašurak. Jahonaja fraza «Ci mohuć nieznajomyja ludzi być siabrami? Mohuć! Kali jany biełarusy» šmat dla kaho stała devizam.
Akcyja biełarusaŭ Vilni nasuprać biełaruskaj ambasady na hadavinu vybaraŭ.
Šram na nazie žurnalistki «Našaj Nivy» Natalli Łubnieŭskaj praz hod paśla ranieńnia humovaj kulaj. Za heta nichto nie pakarany dahetul.
Interjer śledčaha izalatara byłoha litoŭskaha KDB. U padobnych umovach ciapier siadziać sotni biełaruskich palitviaźniaŭ.
Śviatłana Cichanoŭskaja pierad abviaščeńniem vynikaŭ Nobieleŭskaj premii miru. Lidarka biełaruskaj apazicyi była siarod naminantaŭ.
Dvor doma pa vulicy Vilniaus, 14 u Vilni. U hetym domie z 1913 pa 1915 hady pracavała redakcyja «Našaj Nivy» i žyŭ jaje redaktar Janka Kupała.
Vosieńniu Uładzimir Niaklajeŭ vydaŭ svoj novy raman «Hej Ben Hinom». Prezientacyi knihi prajšli ź vialikim pośpiecham u Polščy i Litvie.
