ZŠA dumajuć pra zabaronu pastavak telefonaŭ u Rasiju ŭ vypadku ŭvarvańnia va Ukrainu
Ułady ZŠA razhladajuć dadatkovyja abmiežavalnyja miery ŭ vypadku ŭvarvańnia Rasii va Ukrainu, u tym liku «nadzvyčajnyja» miery pa abmiežavańni ekspartu.
Reuters.com
Pra heta paviedamiła Reuters, spasyłajučysia na nienazvanaha čynoŭnika ŭ administracyi prezidenta ZŠA Džo Bajdena.
U jakaści takich mier abmiarkoŭvajuć zabaronu na pastaŭku telefonaŭ, klučavych avijacyjnych i aŭtamabilnych kampanientaŭ, a taksama materyjałaŭ «z mnohich inšych halin», skazała krynica ahienctva. Pavodle jaje słoŭ, hetyja miery prapanujuć u dadatak da tych, što abmiarkoŭvalisia raniej.
U śniežni CNN i Bloomberg paviedamili, što pakiet patencyjnych sankcyj ZŠA ŭklučaje ŭ siabie miery suprać atačeńnia Pucina, rasijskich aliharchaŭ, bankaŭ i enierhietyčnych kampanij, a taksama adklučeńnie Rasii ad sistemy mižbankaŭskich pieravodaŭ SWIFT i abmiežavańnie na kanviertavańnie rubloŭ u inšyja valuty.