Ci sustrakalisia ŭ Šviecyi Makiej i Cichanoŭskaja?
Ministr zamiežnych spraŭ Uładzimir Makiej prylacieŭ u Šviecyju dla ŭdziełu ŭ mierapryjemstvach ABSIE. U hetyja ž dni ŭ Stakholmie znachodzicca Śviatłana Cichanoŭskaja. Ci nie było ŭ kułuarach sustrečy čynoŭnika z apazicyjaj?
«Nie, sustreča nie płanavałasia, — adkazaŭ Franak Viačorka, daradca Cichanoŭskaj. — Makieja ŭvohule tut nie vielmi vitajuć i dakładna nie vielmi radyja jamu. Jaho delehacyja paźbiahaje publiki i žurnalistaŭ».
Udzieł Makieja ŭ pasiadžeńni Rady ministraŭ zamiežnych spraŭ dla ofisa Cichanoŭskaj byŭ čakany.
«Jon čałaviek techničny. Jeździć pa forumach AAN i ABSIE. Ale jaho nie ŭsprymajuć surjozna. Toje, što Makiej udzielničaje, — asablivaść takich arhanizacyj, jak ABSIE. Treba pryniać heta. Hałoŭnaje, heta nijak nie śviedčyć pra pryznańnie režymu ci Łukašenki. Čary Makieja bolš nie pracujuć», — kamientuje Franak Viačorka.
Śviatłana Cichanoŭskaja 1 śniežnia sustrakałasia z prezidentam Parłamienckaj asamblei Marharetaj Siederfielt, hiensakratarom asamblei Rabierta Manteła i biuro ABSIE. Jana zaklikała arhanizacyju padtrymać padrychtoŭku da pieramoŭ pamiž demakratyčnymi siłami i sistemaj Łukašenki, taksama zaprasić Rasiju na abmierkavańnie biełaruskaha kryzisu, zaklikać jaje da adkazu.
ABSIE mahła by dapamahčy z manitorynham sudoŭ, pravierkaj umoŭ u turmach, padtrymlivać biełaruskich pravaabaroncaŭ. Cichanoŭskaja zaklikała mižnarodnuju supolnaść nie pryznavać refierendum i jaho vyniki.
