Epidemijołah: amikron moža stać vyjściem z pandemii
Aŭstralijski epidemijołah prafiesar Toni Błejkli ličyć, što štam amikron, jaki akazaŭsia asabliva zaraznym varyjantam karanavirusa, ale jaki, pa papiarednich źviestkach, nie vyklikaje ciažkich zachvorvańniaŭ, moža stać vyjściem z pandemii, paviedamiŭ aŭstralijski kanał 7news.
Fota: depositphotos.com
Letaś epidemijołahi spadziavalisia, što z časam karanavirus sam muciruje i źjavicca jaho varyjant, jaki budzie vielmi zarazny, ale mienš ciažki dla zdaroŭja. I, mahčyma, amikron, staŭ takim varyjantam.
«U pryncypie, heta moža być naš kvitok na vychad z pandemii», — kaža Błejkli, vykładčyk Mielnburnskaha ŭniviersitetu, spasyłajučysia na pieršyja paviedamleńni z Paŭdniovaj Afryki, jakija pakazvajuć, što amikron bolš zarazny za varyjant delty, ale nie vyklikaje takoha ciažkaha praciakańnia chvaroby.
Pry hetym prafiesar adznačaje, što varyjanty karanavirusa, jakija źjaviacca za amikronam, całkam mohuć być bolš niebiaśpiečnymi za Amikron.
Amikron moža stać štamam, jaki budzie daminavać u Jeŭropie
Jak paviedamiŭ Jeŭrapiejski centr prafiłaktyki i kantrolu zachvorvańniaŭ u čaćvier, matematyčnyja madeli pakazvajuć na toje, što ciaham niekalkich miesiacaŭ amikron budzie adkaznym bolš za pałovu ŭsich infiekcyj u Jeŭropie.
Pakul vyjaŭlenyja ŭ Jeŭropie infiekcyi Amikrona byli lohkimi i bieśsimptomnymi.
Na siońnia ŭsio jašče nieviadoma, paviedamlaje SAAZ, ci abaroniać raspracavanyja vakcyny ad Amikrona i ci jon vyklikaje bolš ciažkija nastupstvy, čym inšyja varyjanty karanavirusa.