U Paŭdniovaj Afrycy zajavili, što «amikron» nie vyklikaje ciažkich formaŭ u pryščeplenych
Amikron-štam karanavirusa vyklikaje lohkuju formu zachvorvańnia ŭ ludziej, jakija prajšli vakcynacyju ad karanavirusa, adnak tym, chto nie zrabiŭ pryščepku, moža pahražać špitalizacyja.
Pra heta zajaviŭ u piatnicu ministr achovy zdaroŭja PAR Džo Paachła, piša TASS.
«Amikron-štam vyklikaje zachvorvańnie ŭ lohkaj formie ŭ tych, chto prajšoŭ vakcynacyju, ale pavialičvaje kolkaść špitalizavanych siarod niepryščeplenych», — adznačyŭ jon na bryfinhu.
Paachła paviedamiŭ, što PAR znachodzicca na parozie čaćviortaj chvali pandemii karanavirusa. «Za apošnija siem dzion kolkaść vypadkaŭ zachvorvańnia na COVID-19 rezka vyrasła, — padkreśliŭ jon. — Uzdym ciapierašniaj chvali našmat bolšy, čym try papiarednija».
«U nas jość paćvierdžanyja źviestki ab tym, što amikron-štam lohka pieradajecca ad čałavieka čałavieku, — zajaviŭ Paachła. — Usie tyja, chto jašče nie zrabiŭ pryščepku ad karanavirusa, pavinny jak maha chutčej prajści vakcynacyju, kab abaranić siabie ad jaho».
Zakranajučy pachodžańnie amikron-štama, Paachła adznačyŭ, što ŭpieršyniu hety varyjant karanavirusa byŭ vyjaŭleny ŭ Batsvanie. «Adnak pakul my nie viedajem, jakim čynam i dzie jon pačaŭsia», — zaŭvažyŭ ministr.