Mahiloŭca adpraviać u psichijatryčnuju balnicu za kaktejl Mołatava
Mahiloŭski abłasny sud pryznaŭ 28-hadovaha mahiloŭca vinavatym u raspalvańni sacyjalnaj varožaści i akcie teraryzmu i nakiravaŭ jaho na prymusovaje psichijatryčnaje lačeńnie z uzmocnienym nahladam, paviedamlaje BiełTA.
Zhodna z materyjałami spravy, mahiloviec byŭ aktyŭnym padpisčykam «adnaho z destruktyŭnych Telegram-kanałaŭ» i abmiarkoŭvaŭ ź jaho administratarami mahčymaść ździajśnieńnia terarystyčnych aktaŭ z užyvańniem samarobnych vybuchovych pryład. Paśla mužčyna vyrabiŭ z padručnych srodkaŭ kaktejl Mołatava i 10 červienia kinuŭ jaho va ŭvachodnyja dźviery Mahiloŭskaha instytuta MUS. Pry hetym mahiloviec byŭ pjany, jak śćviardžaje śledstva.
Materyjalnuju škodu, jakuju mužčyna nanios instytutu, sud acaniŭ u 2,3 tysiačy rubloŭ. U mahiloŭca jość mahčymaść abskardzić sudovaje rašeńnie.
