U TŁC «Bruzhi» małako budzie vydavacca vyklučna dla dziaciej
Hienieralny sakratar Biełaruskaha tavarystva Čyrvonaha Kryža Dźmitryj Šaŭcoŭ raspavioŭ u intervju STB, jak źmianiŭsia racyjon mihrantaŭ, što znachodziacca ŭ łahistyčnym centry ŭ Bruzhach.
«My vydajom akurat takuju nieabchodnuju kolkaść praduktaŭ, jakaja patrebnaja čałavieku na sutki. Ranicaj jon atrymlivaje harbatu ź piečyvam, u abied jon atrymlivaje kašu, na viačeru ŭ jaho praduktovy nabor. Inšaje pytańnie, što jość ludzi, jakija biaruć pa niekalki pakietaŭ. I my bačym, što ŭ ich źjaŭlajucca liški ŭ TŁC, tam plusavaja tempieratura, dosyć ciopła, i niekatoryja prosta vyvoziać dastatkovuju kolkaść butelek małaka taho ž samaha, nieraspakavanaha».
«Tamu my, viadoma, pierahledzieli asartymient. Ciapier małočnyja pradukty buduć vydavacca vyklučna tolki dla dziaciej. Ale mocna racyjon źmienšany nie budzie. Bo ŭsio-taki ludziam treba narmalna charčavacca», — skazaŭ jon.
U efiry STB skazali, što vydadziena za try tydni 114 ton humanitarnaj dapamohi, uklučajučy abutak i ciopłaje adzieńnie. Taksama było skazana, što biełaruski bok za sutki na charčavańnie mihrantaŭ tracić 29 tysiač rubloŭ (kala 12 tysiač dalaraŭ).