Polšča nie vydaść uładam Biełarusi Makaryja Małachoŭskaha
Polšča nie vydaść uładam Biełarusi palituciekača Makaryja Małachoŭskaha. Takoje rašeńnie pryniaŭ sud u Varšavie.
Nahadajem, Makaryju Małachoŭskamu 26 hadoŭ, jon rodam z Haradzišča Minskaha rajona. Syn śviatara Andreja Małachoŭskaha, kliryka Śviata-Jelisaviecinskaha manastyra ŭ Minsku. U Biełarusi na jaho zaviali kryminalnuju spravu za nibyta najezd na supracoŭnika DPS, jaki adbyŭsia 13 žniŭnia 2020 hoda na praśpiekcie Niezaležnaści. Jon abvinavačvajecca pa 364 art. KK RB (Hvałt abo pahroza hvałtu ŭ dačynieńni da supracoŭnika orhanaŭ unutranych spraŭ).
Zatrymali Małachoŭskaha 12 vieraśnia ŭ pryharadzie Varšavy. Ale amal adrazu ž jaho adpuścili.
«Pryjšła palicyja z nahody nibyta hučnaj muzyki, dalej pravierka dakumientaŭ, pravieryli na svaich pryładach, a potym u kajdanki i ŭ pastarunak», — patłumačyli nam znajomyja, potym stała viadoma, što da jaho pryjšli, bo jon byŭ u bazie Interpała.