«Jany nazaŭždy viarnulisia na Paŭnočny polus». Z-za kavidu ŭ śviecie deficyt Santa Kłausaŭ
Pandemija adbiłasia i na rynku Santaŭ. Pakolki Santami pracujuć ludzi starejšaha vieku, zvyčajna ź lišniaŭ vahoj, im kavid strašniejšy ŭ pieršuju čarhu. Z Santami, jakich stała značna mienš za apošni hod, i popyt na jakich vyras na 120%, parazmaŭlała BBC.
Skrynšot videa BBC
«Ja ŭžo adchiliŭ 200 zajavak», — kaža Džym Kieli, akcior, jaki hraje Santu i jaki ŭ žyćci vyhladaje čysta jak Santa.
Studyjam ciapier vielmi ciažka znajści akcioraŭ dla kaladnych fotasiesij: bolšaść albo admaŭlajecca praz kavid, albo radykalna skaračaje pracu.
«Na žal, my zhubili 55 Santaŭ sioleta. Jany nazaŭždy viarnulisia na Paŭnočny polus», — sumna kaža Džym Kieli pra kaleh ź Mižnarodnaha braterstva Santaŭ z sapraŭdnymi barodami.
I dadaje, što 400 Santaŭ zusim syšli z hetaj prafiesii za apošni hod, kab nie ryzykavać žyćciom.
Skrynšot videa BBC
Tym nie mienš, Santa nie źniknie sa śviataŭ całkam: ciapier papularnymi stanoviacca videazvanki ad Santy (49 dalaraŭ za zvanok), albo videapryvitańnie ad Santy, zapisanaje dla kankretnaha čałavieka.