Ryhora Kastusiova pieraviali ŭ turemny špital
Kiraŭnika partyi BNF rychtujuć da apieracyi. Jon užo siem miesiacaŭ, z 12 krasavika, znachodzicca pad aryštam.
Ź SIZA KDB u turemny špital pieraviali lidara partyi BNF Ryhora Kastusiova, jakoha zatrymali ŭ krasaviku razam z Alaksandram Fiadutam i Jurasiom Ziankovičam. Usich troch abvinavačvajuć u padrychtoŭcy da «zamachu» na Łukašenku, paviedamlaje «Radyjo Svaboda».
«Kastusioŭ špitalizavany, jaho rychtujuć da apieracyi», — raspaviała advakatka palitviaźnia Inesa Alenskaja.
U vieraśni źjaviłasia infarmacyja ab paharšeńni stanu zdaroŭja Ryhora Kastusiova: u jaho padazreńnie na ankałohiju i patrebnaja terminovaja apieracyja, jak kazała jaho dačka. Taksama ŭ vieraśni Kastusioŭ pieranios kavid.
Niadaŭna stała viadoma, što na majomaść Ryhora Kastusiova nakłali aryšt. U śpis uvajšli dźvie kvatery — siamji i babuli, lecišča i mašyna.
