Urad zadumaŭsia ab uviadzieńni kartak na ježu dla niezamožnych
Namieśnik premjera Alaksandr Subocin raskazaŭ ab pierśpiektyvach uviadzieńnia adrasnaj dapamohi i praduktach, ceny na jakija chutka pierastanuć rehulavać.
«Pieralik sacyjalna značnych tavaraŭ my skarocim da 17, prybiarom bieskaściovaje miasa i inšyja pazicyi. Pakidajem chleb, małako, naturalnamałočnuju pradukcyju i hetak dalej», — adznačaje Subocin.
Va ŭradzie ličać, što pastanova №100 vyjdzie z užytku i na jaje miesca, chutčej za ŭsio, pryjdzie adrasnaja dapamoha tym, chto maje patrebu.
«U jakim farmacie heta budzie? Dumaju, u najbližejšy čas vy ŭbačycie. Ź sietkami razmova na hetuju temu ŭžo adbyłasia. Mahčyma, buduć niejkija bonusnyja karty dla piensijanieraŭ, niezamožnych, šmatdzietnych siemjaŭ», — kaža vice-premjer.
Rehulavańnie cen u krainie adbyvajecca praz pastanovu Saŭmina №100, jakaja zabaraniaje pavyšać ceny na niekatoryja pradukty bolš čym na 0,2% u miesiac. Taksama ŭ kramach isnuje maksimalnaja handlovaja nadbaŭka dla peŭnych tavaraŭ.