Palitviaźnia z Hrodna Andreja Baranava asudzili na dva hady «chimii»
22 listapada sud Kastryčnickaha rajona Hrodna pryznaŭ palitviaźnia Andreja Baranava vinavatym pavodle č. 1 art. 342 Kryminalnaha kodeksa i asudziŭ jaho na dva hady «chimii». Taki prysud vyniesła sudździa Marharyta Łancevič. Andreja vyzvalili ŭ zale suda.
Mužčynu pryznali vinavatym u tym, što 6 vieraśnia 2020 hoda jon pryniaŭ udzieł u niesankcyjanavanym mierapryjemstvie ŭ centry Hrodna, a mienavita, «admaŭlaŭsia vykonvać patrabavańni supracoŭnikaŭ AUS, svaimi aktyŭnymi dziejańniami vyklikaŭ rašučaść udziełu inšych hramadzian u hrupavych dziejańniach, jakija parušali hramadski paradak i paciahnuli za saboj błakiroŭku daroh i parušeńnie raboty transpartu».
Cikava, što ŭ vinu Andreju pastaŭleny ŭdzieł u niesankcyjanavanym mierapryjemstvie 6 vieraśnia 2020 hoda, a zhodna z tekstam prysudu, «sud uličyŭ abstaviny, što Baranaŭ raniej užo prymaŭ udzieł u takich mierapryjemstvach 20 vieraśnia i 31 kastryčnika 2020 hoda», paviedamlajuć pravaabaroncy.
