Papa Francišak zhadaŭ mihrancki kryzis u Biełarusi
Pantyfik padčas zvarotu paśla tradycyjnaj niadzielnaj malitvy ŭ Vatykanie vykazaŭ svoj bol u suviazi z hibiellu ludziej na miažy i zakłapočanaść ich losam, a taksama zaklikaŭ malicca za tych, chto pakutuje ŭ śviecie.
Fota: EPA
«Ja adčuvaju bol ad navin ab situacyi, u jakoj apynulisia mnohija ź ich: tyja, chto zahinuŭ u Ła-Manšy; tyja, chto znachodzicca na biełaruskaj miažy, siarod jakich šmat dziaciej; tyja, chto tonie ŭ Mižziemnym mory. Stolki bolu prynosiać dumki ab ich.
Tyja, kaho repatryjavali ŭ Paŭnočnuju Afryku, kaho zachoplivajuć handlary ludźmi i pieratvarajuć ich u raboŭ: pradajuć žančyn, katujuć mužčyn… Tyja, chto navat na hetym tydni sprabavaŭ pierasiekčy Mižziemnaje mora ŭ pošukach ziamli dabrabytu, a znajšoŭ tam mahiłu; i mnohich inšych», — cytuje pantyfika «Radyjo Vatykana».
Francišak zapeŭniŭ mihrantaŭ, «jakija apynulisia ŭ hetych kryzisnych situacyjach», što molicca za ich. «Viedajcie, što ja pobač z vami», — źviarnuŭsia jon.
Papa padziakavaŭ jak katalickim, tak i inšym ustanovam, asabliva miascovym Caritas, i ŭsim tym, chto imkniecca ablehčyć pakuty ŭciekačoŭ.
