Dziaržsakratar Rady biaśpieki: SK prapanoŭvaje zavočna pryciahvać hramadzian da kryminalnaj adkaznaści
Na najbližejšym pasiadžeńni Rady biaśpieki prapanujuć razhledzieć inicyjatyvu SK pa zavočnym pryciahnieńni hramadzian da kryminalnaj adkaznaści, paviedamiŭ u efiry STB dziaržsakratar Rady biaśpieki Alaksandr Valfovič.
— Čałaviek ździejśniŭ tut złačynstva, źjechaŭ i spakojna žyvie za miažoj. Pa zapycie pravaachoŭnaha błoka pa palityčnych matyvach ich nie vydajuć adtul. Prapanujecca ŭvieści papraŭki ŭ zakon, kab była mahčymaść pryciahvać da kryminalnaj adkaznaści. Sud zavočna prysudzić da taho ci inšaha pakarańnia ŭ zaležnaści ad ciažaru ździajśnieńnia praviny. Viadoma, jon budzie znachodzicca za miažoj, viadoma, jaho nie vydaduć. Ale toje, što jon prysudžany, naprykład, da dvuch-troch hadoŭ pazbaŭleńnia voli abo da inšaha terminu, jaki vyznačyć sud, budzie, napeŭna, nakładvać adbitak, — skazaŭ Valfovič.
Pavodle jaho słoŭ, z takoj inicyjatyvaj vystupiŭ Śledčy kamitet i jaje padtrymaŭ Viarchoŭny sud i Hienprakuratura.
