«Terminy zaprasiŭ prakuror pa samaje nie mahu». Ad Siarhieja Cichanoŭskaha i Uładzimira Cyhanoviča pryjšli listy pierad prysudam
14 śniežnia abvieściać prysud Siarhieju Cichanoŭskamu, Mikołu Statkieviču, Iharu Łosiku, Arciomu Sakavu, Uładzimiru Cyhanoviču i Dźmitryju Papovu. Im pahražaje da 12—15 hadoŭ pazbaŭleńnia voli.
U sudzie, jaki prachodzić u homielskaj turmie ŭ zakrytym režymie, užo vystupili abvinavaŭca i advakaty. Taksama prahučała apošniaje słova abvinavačanych. Kolki zaprasiŭ prakuror dla palitviaźniaŭ — nieviadoma. Advakaty dali padpisku ab nierazhałošvańni, nahadvaje «Radyjo Svaboda».
Ź listoŭ viaźniaŭ možna zrazumieć, što terminy, jakija prosić prakuror, — vialikija ci maksimalnyja. «Kankretna terminy nie viedaju. Ale viedaju, što zaprasiŭ prakuror pa samaje nie mahu», — kaža Natalla, žonka błohiera Cyhanoviča.
Jon napisaŭ z turmy z humaram: «Pryjemna, što mianie tak vysoka acanili».
Siarhiej Cichanoŭski pačaŭ u turmie pisać vieršy. Jon dasyłaje ich svaim siabram, ale bolšaść vieršaŭ pa nieviadomaj pryčynie nie prachodziać cenzuru. Tamu siabry ich nie atrymlivajuć.
25 listapada da siabroŭ Siarhieja vypadkovym čynam prarvaŭsia jahony vierš z turmy.
Siejčas, Šiekśpir, nie do zakonov,
Stojať nielzia, chodiť nielzia,
Nielzia skazať — čto nam nielzia,
I połčiŝa ludiej v pohonach.
