U centry dla mihrantaŭ na zachadzie Polščy adbyŭsia bunt. Jany sprabavali złamać aharodžu i źbiehčy ŭ Niamieččynu
U centry pražyvajuć kala 600 mihrantaŭ, zatrymanych za niezakonnaje pierasiačeńnie miažy, paviedamlaje Polskaje radyjo.
Bunt u Vendžynie, 25 listapada 2021 hoda. Krynica: Lubuska Policja.
Namieśnik ministra ŭnutranych spraŭ i administracyi Polščy Maciej Vonsik paviedamiŭ, što adzin pamiežnik byŭ paranieny padčas buntu mihrantaŭ u Vendžynie, na zachadzie Polščy. 26 listapada ŭviečary ŭ centry dla mihrantaŭ uzbuntavałasia hrupa z prykładna sta čałaviek. Maciej Vonsik zapeŭniŭ, što pamiežniki i palicyja spravilisia ź situacyjaj:
— Adbyŭsia bunt. Adnaho supracoŭnika Pamiežnaj varty ŭdaryli stolikam. Pamiežnaja varta i palicyja, jakaja prybyła na dapamohu, chutka apanavali situacyju. Adbylisia zatrymańni samych ahresiŭnych. Viadoma, była naniesienaja materyjalnaja škoda. Ciapier idzie śledstva z metaj vyjaŭleńnia vinavatych.
Mihranty sprabavali złamać aharodžu i źbiehčy ŭ Niamieččynu. U centry pražyvaje kala 600 mihrantaŭ, zatrymanych za niezakonnaje pierasiačeńnie miažy.
